Valentziara eramateko material bilketa egingo du Papresak
Egunero 08:00etatik 22:00etara eraman daiteke materiala, egunero; Torrent eta Alacuas (Valentzia, Herrialde Katalanak) herrietara bideratuko dute bildutakoa.
Valentzian hildakoak eta kalte ikaragarriak utzi ditu denboraleak. Material bilketa antolatu du Papresa lantegiak Valentziara (Herrialde Katalanak) bidaltzeko. Torrent eta Alacuas herrietara bidaliko dute jasotako guztia, eta horretarako bilketa puntua jarriko dute lantegian.
Bulegoaren eraikinean iznago da bilketa puntu hori Nafarroa Etorbideko 6. zenbakiak eta Askatasunaren Martiriak kaleek bat egiten duten puntuan. Ordutegia, berriz, egunero 08:00etatik 22:00etara. Zehaztu dutenez, laguntza bideratuko duten bi herri horietan milaka dira etxetik atera ezinik diren herritarrak, “ura eta argindarrik gabe dira, gainera”.
Enpresaren kamioietan eramango dute bi herri horietara bildutako materiala.
Behar den materialaren zerrenda ere zabaldu du Papresak. Honakoak jaso behar dituzte: Higiene intimorako produktuak, helduentzako eta haurrentzako fardelak, kozinatutako elikagaiak, garbiketa produktuak, eskularruak, lixiba, toallitak, musukoak, palak, uretako botak, eta tamaina txikiko zaborrak jasotzeko materiala.
Ez da Papresa Errenteria-Oreretan bilketa egingo duen bakarra. Bihar egun osoz ariko dira Gaztañoko Auzo elkartean ere materiala biltzen. Ikus hemen informazioa. Asteburuan zehar, Pontikako Auzo Elkarteak gauza bera egin du.
