'Sareak berreskuratu eta berrasmatu jardunaldia' Torrekuan, bihar
Euskal Herria Digitaleko kideek antolatu dute jardunaldia; arratsalderako hitzaldia antolatu dute, gainera, Simona Levirekin digitalizazio demokratikoaren inguruan.
Torrekua eraikina. Bertan kokatuta dago Humanitate Digitalen Ikerketa Zentroa. Sareak berreskuratu eta berrasmatzeko jardunaldia antolatu dute biharko Euskal Herria digitaleko kideek. Goiz osoko tailerra antolatu dute horretarako 10:30ean hasi eta 13:30era arte, Torrekuan. Autodefentsa digital feminista lantzeko tailerra izango da hori, eta Diana Franco, Maider Likona eta Ainhoa Kaltzakorta arituko dira. Francok bizitza eta teknologiaren gaineko hausnarketak eta ikasketak partekatzen ditu sortu duen gune digitalaren bidez (klikatu hemen). Azken bost urteak bortizkeria etra arrakala digitala pairatzen duten pertsonekin lan egin du batez ere.
Informatika ikasketak eginda da Likona, eta 2005ean Gisa elkartea sortu zuen, software eta ezagutza libreak sustatzeko (klik hemen). Gar egun Gisa Sarean Euskaraz proiektuan parte hartzen du gazteei teknologia eta euskara hurbiltzeko. 2023tik Bikonet kooperatiban ari da lanean, “pertsonak erdigunean jartzen dituen kooperatiban; Torrekua ekonomia sozial eta eraldatzailearen proiektuko partaide ere bada.
Kaltzakorta berriz, irakaslea da, hezkuntzan teknologia digitalen egoerak arduratuta hurbildu zen software librearen eta teknologia burujabetzaren ingurura. Hezkuntzan Librezale taldean parte hartzen du.
Goiz partean horiek; arratsaldean, berriz, hitzaldia antolatu dute jardunaldien barruan. Simona Levik El reto de la digitalizacion democratica hitzaldia emango du.
Jardunaldian zein hitzaldian parte hartzeko izena eman behar da aurretik. Horretarako klik egin hemen eta galdetegia osatu.
