Urdabururen collage erraldoiak saria du
Collage erraldoian parte hartu dutenen artean bost sari zozkatuko ditu Urdaburu Mendizale Elkarteak hilaren 21ean.
Collage erraldoia muntatzen. argazkia: Urdaburu elkartea Collage erraldoia osatzen ari da Urdaburu Mendizale elkartea. Jasotako argazki guztiekin ari dira muntatzen egoitzan bertan collage erraldoi hori, eta parte hartzaile guztien artean bost sari zozkatuko dituztela jakinarazi dute.
Zozketa hori hilaren 21ean egingo dute, ostegunarekin, 19:30ean Urdabururen egoitzan. Egun horretan, bideo bat proiektatuko dute bidalitako argazki guztiekin eta muntaiaren zati batekin osatua. Urdaburutik, parte hartzera animatu dute eta bertaratzera ostegunean bideoa zein collage erraldoia ikusteko.
