Giza Eskubideen Defendatzaileen Foru Ibiltariari harrera egin dio Udalak
Harreran parte hartu zuten Mendebaldeko Saharako Saharako Emakumeen Batasun Nazionala UNMS; Honduraseko Red Nacional de Defensoras de DDHH; eta Palestinako emakume feminista batek.
Foro ibiltariari harrera egin dio udalak. Argazkia: Herri Bizia Mundubat fundazioak eta Nazioarteko Bake Brigadek 2019an sustatuko Giza Eskubideen Defendatzaileen Foru Ibiltariari harrera instituzionala egin dio Errenteriako Udalak. Aizpea Otaegi alkatearekin batera izan dira udalean ordezkaritza duten gainontzeko alderdi politikoetako ordezkari Itsaso Cruz (EH Bildu), Maite Gartzia (Elkarrekin Errenteria), Almudena de La Torre (PSE-EE), eta Elixabete Murua (EAJ) eta Antonio Vicente (PP).
Harreran parte hartu zuten Mendebaldeko Saharako Saharako Emakumeen Batasun Nazionala UNMS; Honduraseko Red Nacional de Defensoras de DDHH; eta Palestinako emakume feminista batek.
Herri Babesarea giza eskubideen defendatzaileen babeserako euskal udal sarea da. Bertan Araba, Bizkai eta Gipuzkoako zenbait udalek parte hartzen dute; sare horretako kide da hastapenetatik Errenteriako Udala.
Herri Babesarea Foru Ibiltariaren bira seigarrenez antolatu dute hilaren 11tik 21era. Honako ekitaldian, Araba, Bizkai eta Gipuzkoako hamalau udalerriko herritarrek munduko hainbat tokitako giza defendatzaileen errealitatea eta bizi duten testuingurua ezagutzeko aukera izan dute. Foro horren bidez, gainera, giza eskubideen erakunde defendatzaile gonbidatuen indarkeriarik gabeko erresistentziak jarri ziren agerian, eta haien babesa sustatu zen erasoen, mehatxuen, jazarpenen eta erailketen aurrean.
