Elikagai bilketa egingo du AEK-k Oarsoaldeko lau euskaltegietan
Zaporeak elkartearentzat, eta zehazki, Lesbosera bideratzeko egingo du AEKk bilketa hori abenduaren 9tik 12ra.
Zaporeak elkarteak Lesbosen duen sukaldean ia 2.000 otordu kozinatzen ditu. Elikagai bilketa egingo dute Oarsoaldeko AEKren lau euskaltegiek. Hala, Xenpelar, Intxixu, Oroitzene eta Txirrita AEKk parez pare zabalduko dituzte euren ateak mahi duen ororen ekarpena jasotzeko. Zaporeak elkartearentzat izango da bildutakoa, eta zehazki Lesbosen (Grezia) diren migranteentzat.
Jasoko dituzten elikagaiak, berak izango dira lau euskaltegietan. Lekaleak, pasta, arroza, eta olioa, eta arrain, barazki eta lekale kontserbak eraman daitezke.
Ordutegiari dagokionean, euskaltegi bakoitzak berea izango du. Xenpelar AEKn, 08:00etatik 13:30era eta 15:30etik 20:00etara bilduko dituzte elikagaiak; Lezoko Oroitzenen, 09:00etatik 20:00etara; Pasaiako Txirrita AEKn, 10:00etatik 15:00etara eta 18:00etatik 20:00etara. Hiru horietan abenduaren 9tik 12ra egingo dute bilketa. Oiartzungo Intxixun, berriz, abenduaren 10ean 16:00etatik 19:00etara eta abenduaren 11n, 10:30etik 13:30era izango da.
Egunero-egunero ia 2.000 otordu kozinatzen ditu Zaporeak elkarteak bere Lesboseko sukaldean pertsona errefuxiatuak duintasunez elikatu ahal izateko, gero zaurgarrienean artean banatzeko.
