INDARKERIA MATXISTA
Bikotekide ohia hiltzea egotzita, gizon bat atxilotu dute Pasaian
53 urteko gizon bat atxilotu dute Pasaian bikotekide ohia hiltzea egotzita. Villabonako Udaltzaingora joan da gizona gero, eta han atxilotu dute.
Eusko Jaurlaritzako Segurtasun sailak jakitera eman duenez, gaur arratsaldeko lauetan 53 urteko gizon bat atxilotu dute Pasaiako etxebizitza batean bikotekide ohia suzko arma batekin hiltzea egotzita. Gizona, gero, Villabonako Udaltzaingoaren egoitzara joan da, eta bertan atxilotu dute. Antxon izan da hilketa matxista, Eskalantegi kaleko 45. zenbakian. 16:00ak inguruan izan da.
Segurtasun sailak ez du oraingoz informazio gehiago eman, baina gertakaria ikertzen ari direla diote.
Euskal Herrian aurten izan den zazpigarren hilketa matxista izan da Pasaiakoa.
