Emakumeen ekarpen eta izenekin ondutako historian kimu berriak gehitzeko
Mariasun Landa Sarietarako lanak aurkezteko epea zabaldu du Errenteriako Udalak, hamabosgarrenez.
Iazko sari banaketaren une bat. Maraisun Landa Sarietarako lanak aurkezteko epea zabaldu duela jakinarazi du udalak. Herriko emakumeen ekarpena jasotzea du helburu, aitortu eta balioan jartzea, eta haien izen abizenekin historia ontzea hamabosgarren ekitaldia izango duen sariketak. Berdintasun Kontseiluaren laguntza du udalak sariketaren antolaketan, eta iniziatiba gainera, Errenteriako III. Berdintasun Planaren barruan kokatuta dago.
Sariaren bidez, gizarteko askotariko arlotan emakumeek Errenteria-Oreretari egindako ekarpenaren berri emango duten idazlanak sustatu, aitortu eta saritu nahi dituzte, izen propioak argitara ekarriz.
Lehiaketak bi sari ematen ditu: Emakumezkoen begirada, lanik onena, eta emakumezkori begirada, lanik onena. Lehenak, emakume batek edo emakume talde batek aurkeztutako lanen artean onena sarituko du; bigarrenak, gainerako lan guztien artetik onena sarituko du. Saria bietan, 450 eurokoa.
Bi idazlan irabazleen artean gutxienez bat euskaraz aurkeztua beharko du, eta bi lan irabazleak gainera, 2025eko Oarso aldizkarian argitaratuko dituzte.
Lanak aurkezteko epea, hilaren 31n bukatuko da. Berdintasunerako Kontseiluak parte hartzeko gonbita zabaldu die herritar guztiei, emakumeei deialdi berezia eginez.
Lehiaketaren oinarriak hemen klik eginda kontsulta daitezke.
