Pala motzeko eta eskuz banakako finalak, EPLErentzat
Gipuzkoako Lehen Mailako Pala Motzeko txapelketan Eiheramendi eta Yorel izan dira nagusi eta Eskuz Banakako Gipuzkoako Txapela EPLEko Xabier Ortiz de Urbinak jantzi du.
Xabier Ortiz de Urbina amezketako finala irabazi ondoren. Argazkia: EPLE Asteburu oparoa EPLErentzat. Izan ere, Pala Motxeko finala, eta Eskuz Banakakoa poltsikoratu dituzte Errenteriako klubeko pilotariek, palmaresa zabalduta. Larunbat arratsaldean jokatu zuten Gipuzkoako Lehenengo Mailako Pala Motzeko txapelketa Madalensoro pilotalekuan eta EPLEko Eiheramendik eta Yorelek nagusitasun osoa erakutsi zuten Errepala klubeko Begiristain anaien aurrean. Errenteriako klubeko kideek 23-40 utzi zuten markagailua, ligaxka fasean zein finalerdietan izan duten maila altuari eutsita. Eroso aritu ziren EPLEkoak.
Txapela etxera Eiheramendik eta Yorelek, baita Xabier Ortiz de Urbinak ere. Eskuz Banakako Bigarren Mailako Gipuzkoako Txapelketan nagusitu zen EPLEkoa igandean Amezketako Larrunarri pilotalekuan. Zazpi Iturri klubeko Gorostidi 16-22 irabazi zuen, txapelketa osoan emandako maila bikainari segida emanda.
Euskal Herriko Liga
Emaitza paregabeek bultzatuta bete-betean sartuko dira orain pilotariak kluben arteko Euskal Herriko Ligan aste honetan bertan. Erreferentziazko txapelketa da eta EPLEk taldekako erreminta modalitatean ariko dira Ohorezko Mailan, eta eskuz binaka Senior Mailan.
Udaberri txapelketa ere hasiko da, eta bertan ariko dira Errenteria-Oreretako pilotariak ere lehian.
