Mattin Odriozola eta Ania Hernandez, garaile Mitxintxolan
Atzo Itsas Mendi taldeak antolatzen duen Mitxintxolako mendi lasterketaren XIV. ekitaldia jokatu zen. 105 lasterkarietatik Mattin Odriozola eta Ania Hernandez izan ziren azkarrenak.
Atzo Itsas Mendi taldeak antolatzen duen Mitxintxolako mendi lasterketaren XIV. ekitaldia jokatu zen. Urtero bezala, lasterketa Donibaneko Santiago plazan hasi eta Mitxintxolako gainean bukatu zen, hau da, Pasaiako puntu gorenean. Orotara, 105 lasterkari eta 50 oinezko inguru bildu ziren 3,4 kilometroko bidea osatzeko eta mendi lasterketaz gozatzeko.
Antolatzaileek Mitxintxolako igoeraren “oso balorazio positiboa” egin dute. Atzo eguraldi hotza nagusi izan arren, “bihotzez” eskertu dituzte lasterkariak eta oinezko martxa ireki zuten parte hartzaileak. Mitxintxolako tontorrean sortutako giroa ere goratu dute Itsas Mendikoek. Sari banaketa ekitaldia Piraten Etxean egin zen, eta bertan sortutako giroa ere goraipatu du antolakuntzak.
Hona hemen XIV. Mitxintxolako mendi lasterketaren sailkapenak:
Gizonak:
- Mattin Odriozola Ibarguren: 0:17:06.
- Gorka Goikoetxea Goikoetxea: 0:17:22.
- Oier Etxeberria Zubimendi: 0:17:23.
Emakumeak:
- Ania Hernandez Gonzalez: 0:21:33.
- Aintzane Olaizola Irureta: 0:21:54.
- Leire Etxezurieta Zabaleta: 0:22:56.
Gizon gazteak:
- Amets Arruti Probanza: 0:20:22.
- Gael Gonzalez Gonzalez: 0:20:36.
- Heiko Arregi Gereño: 0:25:45.
Emakume gazteak:
- Maddi Legorburu Maya: 0:31:43.
- Udane Sistiaga Etxeberria: 0:31:44.
- Sara Arbona Iñarra: 0:32:16.
Hona hemen sari banaketaren hainbat argazki:
