Sutea izan da Papresa lantegian
Gaur goizaldean piztu da sua, 00:45ean. Irun, Zarautz eta Tolosako suhiltzaileak aritu dira sua itzaltzeko lanean.
Sua piztu da gaur goizaldean Errenteria-Oreretako Papresa lantegian. 00:45ean piztu da sua eta Irun, Zarautz eta Tolosako suhiltzaileak bertaratu dira sua itzaltzera. Ez da zauriturik izan. Papresa Lantegiarekin harremanetan jarri da HITZA sutea eta horrek eragin dituen kalteen gainean galdetzeko, baina momentuz ez dute informazio gehiagorik eman.
Lantegiaren barrualdean piztu da sua, laugarren makinaren bigarren pisuko barrualdean; laugarren makina hori, garitatik gertu aurkitzen da, eta sua piztu denean, hainbat leherketa ere entzun omen dira. Langilerik ez zen une horretan pabilloian.
Papresako langile batek emnadako informazioaren arabera, laugarren makina hori duela bi urte pasa itxi zuen enpresak produkzioaren jaitsierarengatik, eta ordutik biltegi gisa erabiltzen du lantegiak. Horren ondoko pabiloian lanean ziren langileek hainbat eztanda entzun eta bertaratuta ohartu ziren sua piztuz ela. Suhiltzaileei kosta egin omen zitzailea sua itzaltzea ere esan dio HITZAri langile horrek, eta kalteak motor eremuari eragin diotela, “hori horrela, badirudi elektrikoa izan dela sutearen arrazoia”. Sua itzaltzeko produkzioa eten behar izan zuten, baina ez dirudiela fabrikazioari eragin dionik ere erantsi du langile horrek.
Informazio gehiago jaso ahala eguneratuko du HITZAk informazioa.
