Euskaraldiaren herri batzordeak bigarren bilera egingo du ostegunean
Eragile eta norbanakoei batzordearekin bat egiteko deia luzatu diete, "denen parte hartzea beharrezkoa dugu".
Errenteria-Oreretako Euskaraldiaren Herri Batzordearen lehen bilkura Ahalik eta indar gehienak metatu nahi ditu Euskaraldiaren herri batzordeak, eta hori horrela, Errenteria-Oreretako eragile eta norbanako guztiei dei egin die batzorde horretara batu eta ostegunean, hilak 20, egingo duen bigarren batzarrarekin bat egin dezaten: “maiatzaren 15etik 22ra izango da Euskaraldia, horren antolaketan ari gara jada eta horretarako herritar eta eragile guztiak beharrezkoak dira”.
Batzarra, 18:30ean hasiko dute Lau Haizetera Euskaltzaleon Topagunearen egoitzan —Joxepa Antoni Aranberri anitzenean—. Mintzagaiak, berriz, antolaketa eta elkarteen izen ematea izango dituztela zehaztu dute bigarren saio honetan, “bakoitzak egin dezaken ekarpena baloratuko dugu, eta hori horrela elkarte eta eragileei oproposamenak prestatuta ekar ditzaten eskatu nahi diegu”. Datozen hilabetetarako egutegia ere finkatuko dute osteguneko batzarrean.
Horrekin batera eta dagoeneko lanean ari direla azaltzeko prentsa agerraldia egingo dute: “Martxan gaudela iragarri eta esku artean duguna herriari aurkeztuko diogu”.
Berriro esan dute arduradunek, behar-beharrezkoak direla pertsona eta eragile denak Euskaraldia antolatu eta euskarari hauspoika emateko.
