Leire Martinezek bakarkako bidea hasi du
Abeslari eta musikagile errenteriarrak bere sare sozialen bidez jakinarazi du diskoa bidean dela. Bi kontzerturen berri ere eman du, abiatutako bide berriaren barruan.
Leire Martinez abeslari errenteriarra. Leire Martinez abeslari eta musikagile errenteriarrak bakarkako bidea hasi du musika munduan. Martinezek berak jakinarazi du bere sare sozialen bidez bakarkako ibilbide horretan lehena izango duen diskoa bidean dela.
Emanaldiak ere baditu dagoeneko abeslari errenteriarrak hitzartuta. Udan, Valentzian (Herrialde Katalanak) eta Pontevedrako (Galizia) Bigsound jaialdietan bakarkako lehen kontzertuak emango ditu Martinezek.
Sare sozialen bidez jakinarazi zuen Martinezek La Oreja de Van Gogh taldeko abeslari izaten ez zuela jarraituko joan den urrian; Martinez, 17 urtez izan zen La Oreja de Vangogh taldearen ahotsa. Musika munduan lehen lerroan jarraitzeko asmo betea nabarmen utzi du errenteriarrak.
