PPAk gogorarazi du portuko uretan debekatua dagoela arrantzatzea
Zerbitzuen, Poliziaren eta Portuko Erregimenaren Araudiko 64. artikulua jarraituta, martxoaren 1etik aurrera portuko eremuan egiten den kirol arrantza zigortzen hasiko dira.
Pasaiako Portu Agintaritzak (PPA) gogorarazi du portuko uretan debekatua dagoela arrantzatzea, eta martxoaren 1etik aurrera portuko eremuan egiten den kirol arrantza zigortzen hasiko da. Arrantza jarduera Hospitalillo, Trintxerpe, Pescaderia 1 eta 2, San Pedro eta Donibaneko kaietan zabaldu dela jakinarazi du PPAk, eta Zerbitzuen, Poliziaren eta Portuko Erregimenaren Araudiko 64. artikuluan jasotzen den bezala, arrantzatzea debekatua dago.
“Portuko gunean ere ezingo da bigarren mailako jarduerarik egin, aldez aurretik baimendu ez badira. Hauek dira ohikoenak: aulkiak edo mahaiak jartzea, otorduak egitea, taldetan eserita egotea, bainatzea edo edozein motatako artearekin arrantza egitea portuko kai eta uretan”, esan du PPAk.
Horrez gain, zitatutako praktika horiek eragina izaten ari dira Pasaiako eta inguruko bizilagunengan, hala nola, eremu horietan hondakinak pilatzea. Laster, PPAk debekua seinaleztatuko du aurrez aipatutako puntuetan, portura arrantza egitera joaten direnek oroigarri gisa izan dezaten.
