Aurpegi ospetsu asko Antxon
Pertsona famatu, esanguratsu eta ospetsu asko bildu dira gaur Antxoko inauterietan. 'Athletic' gabarra ere barrutian lehorreratu da.
Gaurkoa da Antxoko inauterien egun handia. Goizez kuadrillak kalera atera dira, barrutirako gaitzat hartutakoa fidel betez. Izan ere, Antxoko Topaguneak inauterietako gaia aukeratzeko egindako herri bozketan Pertsona famatuak gaia izan zen irabazle. Hala, barrutiko biztanleek ideiarekin bat egin, eta eguerdian Gure Zumardian jarritako photocall-a glamourrez bete dute. Karrozatxoak ere egin dituzte. Horietako bat, Athletic gabarra. Antza, Marealtara iritsi da zuzenean Bilbotik ontzia, kopa eta guzti.
Giro eguzkitsu eta ederra Antxon. Argazkien txandaren ondotik, herritik desfilea egin dute kuadrillek. Ondoren herri bazkaria egitekoak dira Axular plazan. Pertsonaia ospetsu denek sabela ondo tratatu ondoren, karro-poteoarei ekingo diote 18:00etan. 21:00ak aldera, berriz, mokadutxoarekin gauerako indartuko dira mozorroen maitale antxotarrak Mimos tabernan.
Jarraian, antxotarrek HITZAra bidalitako hainbat irudi, Gure Zumardiko alfonbra gorrian ateratakoak.
