Ibon Taberna, Gipuzkoako banakako txapeldun
Trinketeko Eskuko kategorian tituluak lortzen jarraitzen dute EPLEko pilotariek. Sorondo, bigarren mailako txapeldunorde.
Lander Caballero (ezkerrekoa) eta Adur Oategi txapelkar soinean. Argazkia: EPLE Ibon Tabernak irabazi du Trinketeko Eskuz Banakako Gipuzkoako txapelketa. Iruran jokatutako partidan 40-29 irabazi zuen EPLEkoak Mundarroko Gurutzealde, eta horrela, hiru urtez txapelketan lehiatu ostean, azkenean lortu du txapela etxera ekartzea.
Trinketeko Eskuz Banakako bigarren mailan, txapeldunorde izan da bestalde Sorondo. Azken horrek, Jara izan zuen aurrez aurre, eta hernaniarrak 31-40 irabazi zuen EPLEkoa.
Ez dira horiek EPLEko pilotariek asteburuan lortutako titulu bakarrak; Kadete Mailako Lander Caballero Euskadiko txapeldun da. Villabonako Behar Zana elkartearekin jokatu da EPLEk utzita eta elkarte horretako Adur Otaegirekin batera lortu du eskuz binakako txapela. Laudioko pilotalekuan jokatutako finalean 22-10 irabazi zituzten Aurrera elkarteko pilotari nafarrak. EPLE pozik, lan bikaina egin baitute txapelketa osoan zehar.
Caballerok aurrera egiten jarraitzen duela gaineratu du EPLEk, “ikasteko duen gogoa da garaipenerako gakoa”. Errenteria-Orerteako pilotazaleek jokalari gaztea apirilaren erdialdetik aurrera ikusteko aukera izango dute, Lau terdiko Gipuzkoako Txapelketaren barruan.
Ez da hori guztia. Federazioen arteko Grabni txapelketan parte hartzeko aurre hautatuak zian dira EPLEko zazpi pilotari. Trinketeko eskuko modalitatean, Taberna, Chiapuso, Sorondo eta Eneko Aranburu dira zerrenda barruan. Larruzko Paletan eta Pala Motzean, berriz, Estefano, Yorel eta Ruben. Datorrena steburuan jokatuko da lehen jardunaldia eta Gipuzkoa eta Nafarroa ariko dira aurrez aurre.
