Okzitanian emanaldi "arrakastatsua" egin du Zaria Koru Eskolak
Emanaldia, Piccolo abesbatzak 2024ko maiatzean Errenteria-Orereta egin zuen bisitaren trukea izan da.
Kontzertuaren irudi bat.Zaria Koru Eskola Zaria Koru Eskolak eta Piccolo abesbatzak kontzertua eman dute Castelnaudaryn (Okzitania). Kontzertua “gorena” izan zela esan dute Zaria Koru Eskolako arduradunek, “400 lagunen aurrean egin zuten emanaldia eta bukatutakoan ZariaGaz eta ZariaTxo gogotik txalotu zituzten entzuleek”. Emanaldia, Piccolo abesbatzak 2024ko maiatzean Errenteria-Orereta egin zuen bisitaren trukea izan da, “Zaria Koru Eskolak kulturen arteko elkarrizketa sustatzen jarraitzen du, artea eta musika pertsonak batzeko zubi gisa hartuta”.
Ez da Zariatxo abesbatza Castelnaudaryn den lehen aldia. 2018an Nazioarteko Abesbatza Jaialdira gonbidatu zuten, eta arrakasta handia lortu zuen Txekiako, Alemaniako eta Frantziako hainbat abesbatzarekin batera.
Aurreratu dutenez, hilabetea ikuskizun berriz beteta dator. Horrela hilaren 12an, larunbatarekin Zariatxo eta Zaraiagaz taldeek kontzertua emango dute Lesakako Harriondoa Kultur Etxean 12:00etan. Bestalde, hilaren 24an Jon Maiaren Kantu berri bat gara emanaldian hartuko dute parte Iruñeko Baluarten.
