Mendi ibilbidea, upategira bisita eta bazkaria
Urdaburu Mendizale elkarteak antolatuta, hilaren 26an bisita gidatua egingo dute upategi batera. Aurretik, mendi ibilbidea ez da faltako.
Ramirez de la Piscina Upategiko upel aretoa.Ramirez de la Piscina upategia Urdaburu Mendizale elkarteak plan paregabea ondu du hilaren 26rako, larunbata. Mendi ibilaldia antolatu du lehenik Urizaharretik Bastidako San Ginesera; 10 kilometrokoa da ibilbide hori eta hiru ordukoa.
Irteera 07:30ean egingo dute Panier aldean dagoen Zumardiko autobus geltokitik, eta 07:45ean Aritzetatik. Handik Urizaharrera abiatuko dira . Mendi ibilaldia eginda, Errioxan kokatutako San Vicente de la Sonsierran dagoen Ramirez de la Piscina upategira bisita egingo dute, dastaketa eta aperitiboa barne.
Gero, Bastidako Alaia jatetxean bazkalduko dute. Irteeran parte hartu nahi dutenek, 60 euro ordaindu beharko dituzte. autobusean egingo da ordainketa, eta bazkideek lehentasuna izango dute.
Izena eman nahi dutenek Urdabururen egoitzara jo dezakete astearte eta ostegunetan 19:00etatik 21:00etara, edo 943 52 78 79 telefonora deitu egun eta ordutegi berean. Galdetegia beteta ere eman dezakete izena online (klik hemen).
