Oarsoaldeko hamasei ontzi Euskadiko Batel Txapelketan
Gaur (larunbata) sailkapen estropadak jokatuko dira, eta bihar goizean finalak. Osotara 94 ontzi izango dira lehian.
Artxiboko irudian, Pasaiako badian egindako batel lehia bat. Gaur (larunbata) eta bihar artean jokatuko da Legutio (Araba) Euskadiko Batel Txapelketa. Gaurko jardunaldia sailkapen estropadena izango da (10:00), eta larunbatarekin lortuko diren denboren arabera, txapelak erabakitzeko finalak edo federaziokoak osatuko dira, biharko finalak alegia (10:00). Oarsoaldeko hamasei batel izango dira Legutioko zingiran. Osotara, 94 izango dira parte hartuko duten ontzi txikiak.
Txapelketan zortzi kategoriatako dominak banatuko dituzte: Haur, Kadete, Gazte eta absolutu mailetan bina, emakumeenak eta gizonenak. Hala, Haur Mailakoek 1.000 metroko bidea egingo dute Arabako hezegunean, kadeteek 1.500 metrokoa, eta gazteek zein absolutuek 2.000koa.
Honakoa da Oarsoaldeko ontzien partaidetza:
- Nesken Haur Mailan: Hibaika eta San Pedro.
- Mutilen Haur Mailan: San Juan.
- Nesken Kadete Mailan: HIbaika, San Pedro eta San Juan.
- Mutilen Kadete Mailan: Hibaika, San Pedro eta San Juan.
- Emakumeen Gazte Mailan: HIbaika, San Pedro eta San Juan.
- Gizonen Gazte Mailan: San Pedro eta San Juan.
- Emakumeen Absolutu Mailan: Hibaika eta San Juan.
