Mugi sistemaren barruan jarraituko dute hiri autobusek
Hitzarmenaren luzapena sinatu dute Errenteriako Udalak eta Gipuzkoako Garraioaren Lurralde agintaritzak, eta beraz, Mugi sistemaren barruan jarraituko dute Errenteria-Oreretako hri autobusek.
Dominguez eta Lemos hitzarmenaren luzapena sinatzen gaur.Gipuzkoako Garraioaren Lurralde Agintaritza Mugi sistemaren parte izateko sinatuta zuen hitzarmena luzatu du Errenteriako Udalak. Horrela, Gipuzkoako Garraioaren Lurralde Agintaritzarekin zuen akordio hori beste lau urtez luzatu du, eta horrenbestez, herritarrek Mugi sistemaren onurak jasotzen jarraituko dute hiri barruko autobusak erabiltzerakoan.
Azahara Dominguez Gipuzkoako Garraioaren Lurralde Agintaritzaren presidenteak azaldu duenez luzapen horrek aukera ematen die erabiltzaileei txartel bakarra, zonakatze komuna, garraioa gehien erabiltzen dutenentzat deskontu progresiboak, hobariak eta doako trasbordoak izateko. Errenteriako Udalak Mugi sisteman duen konfiantza berrestea “berri bikaina” dela esan du Dominguezek, “hitzarmen horri esker garraio publikoko sare eraginkorrago, erosoago eta herritarrentzat eskuragarriago batean aurrera egiten jarraituko dugu”.
Udalaren ordezkari Bernar LemosHiri Mantenu, Udaltzaingo, Trafiko eta Garrio zinegotzia izan da. Balioan jarri du Lemosek erakundeen arteko elkarlana: “Errenteriako Udaletik bati bat egingo dugu garraio publikoa indartzera bideratutako neurriekin, eta horretarako, gainontzeko erakunde publikoekin elkarlanean jarraituko dugu orain arte bezala”.
Garraio publikoaren defentsa egin du Lemosek. Izan ere, mugikortasun eredu jasangarriago, seguruago eta irisgarriago baterako oinarria izan behar duela sinistuta azaldu da udal ordezkaria, “eta horren alde lanean jarrituko dugu”.
