Donibanek eta Sanpedrotarrak igoera lortu dute
Donibane Eskubaloia taldeko gizonen talde nagusiak eta Sanpedrotarra Areto Futbol taldeak igoera lortu dute asteburu honetan.
Asteburua oparoa izan da Pasaiako kirol taldeentzat, Donibane Eskubaloia taldeko gizonen talde nagusiak eta Sanpedrotarra Areto Futbol taldeak igoera lortu baitute. Eskubaloiko taldea 29-26ko emaitzarekin gailendu zen atzo Hondarribiaren kontra, eta igoera fasean jokatutako lau partidak irabazi ditu. Emaitza bikain horiekin, urte hasieran jarritako helburua bete dute arrosek, eta Euskadiko Bigarren Maila Nazionalean izango dira datorren denboralditik aurrera.
Sanpedrotarra Areto Futbol taldeak, aldiz, Ekin-Oria Futsal taldea menperatu zuen ostiralean 2-4ko markagailuarekin, eta partida baten faltan, ziurtatuta dute jada igoera. Donibaneren bidetik, sanpredotarrek ere sasoi aparta osatu dute, eta une honetan igoera faseko lehen postuan kokatuta daude. Orain, gainera, Gipuzkoako Hirugarren Mailako txapeldun izan daitezke. Gipuzkoako Bigarren Mailan arituko dira hurrengo sasoian.
