'Euskara loratzen' tailerra, Familia jolasean programarekin
Lurra, haziak, loreontziak eta koloreak izango dira protagonista Familia Jolasean programaren barruan hilaren 31n antolatu duten tailerrean.
Loreontziak margotzeko tailerra Lurra, haziak, loreontziak eta koloreak izango dira protagonista Familia Jolasean programaren barruan hilaren 31n antolatu duten tailerrean. Euskaraldiaren testuinguruan egingo dute Euskara loratzen tailerra. Hainbat eskulan egingo dituzte parte hartzaileek Merkatuzarreko Jose Luis Caso aretoan izango da 16:30etik 18:30era, eta izena emateko epea, hilaren 22ra arte izango da zabalik. Online egin behar da izen ematea (klik hemen).
Tailerrerako plazak mugatuak izango dira, gehienez ere 30 haurrek parte hartu ahalko dute. Hori horrela, lekua hartu eta gero joaterik ez balu bateren batek, posta elektronikora (klik hemen) mezua bidali eta jakinarazteko eskatu dute antolatzaileek, toki hori beste norbaitek aprobetxa dezan. Familian Jolasean programaren bidez familia artean euskaraz aritzea sustatzen du aisialdiko jardueren bidez udalak.
Ostiraletan Agustinak auzoan egiten diren jarduerez gain, hilean larunbat batean ekintzak antolatzen dituzte programaren barruan. Hala ere, ostiraletako saioak herriko hainbat plazetara eramaten ari dira Euskaraldiaren harira. Programaren gainean informazio gehiago lortzeko posta elektronikora idatzi (klik hemen) edo 943 44 96 06 telefono zenbakira deitu dezakete interesdunek.
Hilaren 31koa, larunbatetako azken saioa izango da.
