Sorotxo memoria historikorako gune da jada
Atzo egin zuen Etxetxok Sorotxoko trabajadoreen lo egiteko zuloak ezagutarazteko ekitaldia. Hildako hamazazpi esklaboen izen-abizenekin plaka jarri zuten.
Asko sufritu zuten trabajadoreek. Frankismoak bortxazko esklaboak erabili zituen, haien alde ez egoteagatik mendekatzeko. Herri lanak egin zituzten baldintza ankerretan. Halakoak ziren ere euren bizileku ziren barrakoiak, Lezon zehazki Iparragirreko eremuan kontserbatzen dira barrakoi horien arrastoak. Sorotxoko lursailean, baina, barrakoi horien baldintza ezin krudelagoetatik ihesi, lo egiteko zuloak egin zituzten gatibuek. Etxetxo Lezoko Memoria Historikoaren taldeak horiek topatu, berreskuratu, eta jendartearen esku utzi ditu ezagutu ditzan. Trabajadoreek herrian sufritu zuten mendekua zer-nolakoa izan zen jakin dadin egin du lan Etxetxok. 5.000 bat izan ziren herrika jaso zituen trabajadoreeak.
Atzo, igandearekin, zulo horiek, 85 bat denera azalerazteko ekitaldia egin zuen Sorotxoko eremuan. Gainera, herrian hil ziren hamazazpi trabajadoreen (frogatuta dauden kasuak dira horiek) omenezko plaka ere ezarri zen. Dantzariak, musika, bertsolariak, eta jende asko. Memoria historikorako gune da jada Sorotxo, Etxetxori esker.
Atzoko ekitaldiko hainbat irudi eta bideoa dira albiste honetan daudenak, Etxetxok HITZAra bidalitakoak.
