San Juanen urrezko bat eta bi brontze Euskadiko Trainerilla Txapelketan
Urrea Gazte Mailako emakumeen ontziak eskuratu zuen atzo Ondarroan, eta brontzeak gizonen Gazte Mailan eta emakumeen seniorretan iritsi ziren.
San Juango Gazte Mailako neskak, garaile bandera eskuan.Bermeo Arraun Argazkiak Atzo jokatu zen Ondarroan (Bizkaia) Euskadiko Trainerilla Txapelketa. Oarso Bidasoko ontziei dagokienez San Juanek lortu zituen emaitzarik esanguratsuenak: emakumeen Gazte Mailan urrezkoa eskuratu zuten, eta gizonen Gazte Mailan nahiz emakume absolutuetan brontzezkoa. Hibaikak, San Pedrok eta Trintxerpe-Illunbek ere izan zituzten ordezkariak Ondarroan.
Honakoak, kategoriaz kategoria, Oarso Bidasoko ontziek lortutako emaitzak.
- Mutilen Kadete Maila: Deusto izan zen garaile eta San Pedroko bosgarren postua eskuratu zuen. Trintxerpe-Illunbe bederatzigarren izan zen, eta San Juan hamargarren.
- Nesken Kadete Maila: Tolosaldea izan zen txapelduna, eta San Juan seigarren. Hibaika zazpigarren sailkatu zen, eta San Pedro hamaikagarren.
- Gizonen Gazte Maila: Ondarroa izan zen garaile, bigarren Zierbena eta hirugarren San Juan. San Pedrok seigarren postua egin zuen bere.
- Emakumeen Gazte Maila: San Juanentzat urrea. Hibaika bederatzigarren izan zen.
- Gizon Absolutuak: Oriorentzat txapelketa, Zierbena bigarren eta Bermeo hirugarren.
- Emakume Absolutuak: Zumaiarentzat urrea, Tolosaldea bigarren eta San Juanentzat brontzea.
Sailkapen guztiak ikusteko, baliatu esteka hau.
