'Erremontari herriz herri', Errenteria-Oreretan
Ekainaren 21ean partida jokatuko dute iniziatiba horren barruan Agustina Otaola frontoian.
Erremontari herriz herri iniziatibaren partidetako bat joklatuko dute Errenteria-Oreretan.Erremontari herriz herri Erremontari herriz herri iniziatibaren ekitaldi berria abian da, eta Errenteria-Oreretak bat egin du. Erremontea zabaldu eta jendearengana iristaraztea du helburu proiektuak, eta aurten hamabi udalerritan jokatuko dituzte partidak.
Errenteria-Oreretako partida ekainaren 21ean jokatuko dute, Fanderiako jaien programazioaren barruan eta sarrera doakoa izango da.
Erremontea zuzenean bizitzeko aukera udalerrian bertan, eta bigarren saio baterako aukera ere jarri dute herritarren eskura. Izan ere, Erremintari saioaren zuzeneko grabazio batera joan ahalko dira. Ekainaren 3an izango da, Hernaniko Galarreta pilotalekuan. Nahikoa izango dute bat egin nahi duten herritarrek nortasun agiria erakustea.
Erremontari saioan Sagardoaren erremonte txapelketako partidak emango dituzte, eta bost sagardotegi ordezkatzen dituzten talde ariko dira. Oialume Zarren ordezkariak izango dira Aldabe eta Barrenetxea IV, Iñaki Lekuona buru dutela. Bereziartua sagardotegiaren izenean, berriz, Ezkurra II eta Juanena ariko dira Patri Espinar kapitain dutela. Aburuza Sagardotegia Ansa II eta Zubirik ordezkatuko dute Gorka Izagirre txirrindulari profesional ohiak gidatuta. Alorrenea izango da lehiatuko den beste sagardotegietako bat, eta hura Segura eta Azpirozek ordezkatuko dute, Igor Arruti kapitain dutela. Azkenik, Petritegiren izenean ariko dira Urriza eta Larrañaga, Aritz Altadillek zuzenduta.
