Errenteria Txirrindularitza Saria, larunbat arratsaldean
Lasterketa gazteenen kategorietara begirakoa da, eta bi gurpil gainean, Benjamin, Kimu eta Haur Mailako 140 txirrindulari ariko dira 16:30ean hasita.
140 txirrindularik hartuko dute parteHerri Bizia Errenteriako Txirrindularitza Sariaren zortzigarren ekitaldia jokatuko da larunbatean, Laguntasuna Txirrindularitza elkarteak antolatuta, Errenteriako Udalaren laguntzarekin. Lasterketa gazteenen kategorietara begirakoa da, eta bi gurpil gainean, Benjamin, Kimu eta Haur Mailako 140 txirrindulari ariko dira 16:30ean hasita. Lasterketa zirkuitu itxian egingo dute, Nafarroa etorbidean, Niessen eta Gabierrota biribilguneen artean. Benjaminek zirkuitu horretan bi itzuli egin beharko dituzte, 4 kilometro guztira; kimuek hiru, 6 kilometro guztira; eta haurrek sei, 12 kilometro egiteko.
Irun, Oarsoaldea, Donostia, Zarautz eta Zumaiako txirrindulari federatuak ariko dira lasterketan.
Bestalde, goizean, 11:00etatik 13:00etara Agirre Lehendakariaren plazan Laguntasuna elkarteak, Euskaraldiak eta Kroma artisau elkarteak kaleko doako hainbat jarduera antolatu dituzte. Hala, tailer parte hartzaile bat egingo dute poltsak margotzeko, kaleko jolasak 6 urtetik gorako haurrei begira, eta bizikleta zirkuitu bat 2 eta 6 urte arteko haurrentzat.
Trafiko mozketak
Lasterketaren harira trafikoa moztu egingo dute 15:30ean prestaketak egiteko. Ondoren, 18:30 aldera irekiko dute. Nafarroa hiribidea itxita iznago da Niessen paretik Lartzabaleraino Gabierrotako biribilgunea barne. Debekatuta egomngo da Santa Klarako biribilgunean ibilgailuak sartzea. Lasterketak irauten duen bitartean ibilbidea ezingo da zeharkatu, eta garraio publikoa erabiltzea aholkatu dute. Gabierrotako bizilagunek, gainera, auyzoko sarrera eta irteera moztuta izango dela hartu beharko dute kontuan.
Autobus lineetan ere izango du eragina. Hala, U7 linearen Galizia, Zumardia, Touring eta Fanderia 17ko geltokiak bertan behera geldituko dira. E02 eta E027 lineetan Zumardia, Nafarroa etorbidea (Gabierrota) eta Lartzabal geltokiak bertan behera geldituko dira
