Euskaraldi Indartua Errenteria-Orereta saioa martxan da
Badalab Hizkuntza Berrikuntza Laborategiak jarri du martxan eta ulersaioko lehen promozioko 7 belarriprest etaherriko eragileetako 19 kidek hartuko dute parte.
Maiatzaren 8an egindako saioaren irudi bat.Badalab Hizkuntza Berrikuntza Laborategia Esperimentatzea, gauza berriak probatzea, hausnartzea… dena da beharrezko eta dena da egoki euskararen erabilera zabaldu eta sustatzeko. Horretan ari da Badalab Hizkuntza Berrikuntza Laborategia, etengabe lanean, asmatzen eta berrasmatzen, iraultzen, eta bakoitzean alea jartzen euskararen presentzia eta erabilera bizitzaren une eta eremu guztietara zabaltzeko.
Horrekin lotutako esperimentazio berria jarri berri du martxan, Euskaraldiaren testuinguruan, Euskaraldi Indartua Errenteria-Orereta saioaren bidez.
Elkarrizketa batek hitz egiten duenaren eta entzuten duenaren konplizitatea ditu beharrezko, eta gainera, elkarrizketan barrena, rolak aldatzen joaten dira. Euskararen erabileran gutxitan erreparatutako osagai batetik tiraka abiatu du saio berria laborategiak: “Gutxitan begiratu zaio euskara ikasleak uler dezan, euskal hiztunak bere hizkuntzan egin beharreko egokitzapenei”. Horretantxe jarri du fokua, hizkeran, hizketa moduan Badalaben azken esperimentuak.
Esperimentu horren kokapena ere egin du laborategiak, ez baita ezerezetik sortua, bat batean. Azaldu duenez, 2023az geroztik ari da Aldahitz ikerketa barruko tresnekin esperimentatzen: Ulersaioak eta Ulerrizketak hain zuzen ere. Lehehnengoaren bidez belarriprestak izango direnak trebatzen, eta Ulerrizketaren bidez, belarriprestak eta ahobiziak elkarrizketa egokituan jartzen. Ulerrizketak metodoan beharrezkoak direla euskara errazean eta ohiko moduan baino lasaiagoan ariko diren pertsonak esan du, “ariketa erraza dirudi, baina ez da”. Hori horrela, lagungarriak izan daitezkeen hainbat gako eta praktika partekatzeko, baita hizkuntzaren erabileraren arlo komunitarioa indartzeko ere, lehen aldiz Badalabek eta Soziolinguistika Klusterrak saio teoriko-praktikoa egin zuten udalerian joan den maiatzaren 8an.
Helburuak: Hizkuntzan ardaztuta herritarren arteko konplizitatea berriak sustatzea, haien arteko harremana euskaraz —edo elebitan— izan dadin tresnak eta gakoak eskaintzea, eta azkenik, erronka bat proposatzea saio horretan entzun, ikusi eta sentitutakoaren ondoren, “Euskaraldi Indartua Errenteria-Oreretan egingo zuten erabakitzea.
26 lagunek hartu zuten parte saioan; Ulersaioko lehen promozioko zazpi belarriprestek eta Koldo Mitxelena Hezkuntza Komunitateko, udal langile eta ordezkari, zein euskararen normalizazioan alaiatuak diren herriko erak¡gileetako 19 kidek. Denek eman dute izena Euskaralkdi Indartuan parte hartzeko.
Hilabetez egingo dute Euskaraldi Indartua, eta ekainaren 19an egingo dute balorazioa.
Ordura arte, batzuk eta besteek euskaraz komunikatu eta bizitzeko saiakera betean ariko dira. Emaitzak, beste esparruetara eraman eta aplikatzeko baliatuko dituztela ere jakinarazi du Badalabek.
