Seigarrenean ere, Trintxerpe-Illunbeko beteranoak egoki
Orion izan ziren lehian Trintxerpe-Illunbeko beteranoen traineruak larunbatean.
Trintxerpe-Illunbeko arraunlariak, larunbatean Orion. Larunbatean jokatu zen arraunlari beteranoen Zipr-18/70 ligako seigarren estropada Orion, Badok 13 taldak antolatua. Trintxerpe-Illunberen bi ontziak han izan ziren, beri bezala onena ematen.
A ontzia, gizonena, laugarrena izan zen sailkapen nagusian, 13.50 denborarekin. Lehia horretan sasoian garaitezin izaten ari den etxeko ontziak eraman zuen bandera, Badok 13k (13.25). Oriotarren atzetik Fortuna eta Getxo sailkatu ziren.
B ontzia da emakumeena. Azkuene traineruko kide gehienak hasiberriak dira arraunean, eta egin ohi duten moduan oso txukun aritu ziren arraunean eta gozatzen.
Trintxerpe-Illunbek ekainaren 21erako antolatuko du, etxean, beteranoen traineru ligaren barruko estropada.
