Ikasturtea bukatzear dela ospatzeko, Tomas Garbizuko ikasleen kontzertuak
Ekainaren 4tik 21era ikasturte bukaerako kontzertu eta audizioen zikloa antolatu du Lezoko musika eskolak.
Tomas Garbizuko ikasleen emanaldi baten artxiboko irudia. Ikasturtea bukatzear da hezkuntza zentroetan. Baita musika eskoletan ere. Tomas Garbizu Lezoko Udaleko Musika Eskolakoek ohitura dute kurtsoa azken hilabeteetan ikasitakoekin bukatzeko, jendartera zabaltzeko sasoiko uzta. Aurten ere hala izango da. Ekainaren 4tik 21era ikasturte bukaerako kontzertu-audizioak eskainiko dituzte bertako ikasleek, hamabi denera.
Gehienak kontzertu-audizioak izango dira, musika instrumentuen edo taldeen araberakoak. Zikloa bukatzeko ikuskizun handia jasoko du Gurutze Santuaren plazak ekainaren 21ean, gauez: Herri harro irri ikuskizuna jendartera zabaldiko dute eskolako kideek.
Ondoko zerrendan, emanaldi guzti horien berri izateko aukera:
Ekainak 4, asteazkena
- 17:00. Gezala Auditoriumean, musika eta mugimendua 1.1eko ikasleen kontzertu-audizioa.
- 17:45. Gezala Auditoriumean, musika eta mugimendua 1.2ko ikasleen kontzertu-audizioa.
- 19:00. Gezala Auditoriumean, perkusio ikasleen kontzertu-audizioa.
Ekainak 5, osteguna
- 10:30. Gezala Auditoriumean, musika eskolako ikasleen kontzertu pedagogikoa herriko ikastetxeetako ikasleentzat.
- 17:30. Gezala Auditoriumean, talde koralen kontzertu-audizioa.
Ekainak 9, astelehena
- 17:30. Gezala Auditoriumean, saxofoi eta tronpeta ikasleen txanda.
- 18:00. Tomas Garbizu Musika Eskolan, piano ikasleen kontzertu-audizioa.
Ekainak 10, asteartea
- 18:30. Gezala Auditoriumean, trikitixa ikasleen kontzertu-audizioa.
Ekainak 11, asteazkena
- 18:30. Gezala Auditoriumean, akordeoi eta biolin ikasleen emanaldia. Musika eskolako hainbat taldek ere kantak joko dituzte.
Ekainak 12, osteguna
- 18:30. Tomas Garbizu Musika Eskolan, gitarra ikasleen kontzertu-audizioa.
Ekainak 13, ostirala
- 17:00. Tomas Garbizu Musika Eskolan, klarinete, txistu eta flauta ikasleen saioak.
Ekainak 21, larunbata
- 22:00. Gurutze Santuaren plazan, Herri harro irri ikuskizuna.
