Kirola eta elkartasuna eskutik 11. kilometroan

Kirola da Behobia, lasterketa, lehia; baina hortik harago doa, elkartasunerako beta ere eskaintzen duelako ibilbidean barrena.

Ikerne Zarate Gartziarena

Errenteria-Orereta,Lezo,Oiartzun,Pasaia

2025/11/09

Olan urdin zabal-zabala, Meditarraneo itsasoaren irudira ireki dute aurten ere Behobia-Lasterketaren 11. kilometroan. Lasterketa erdia da puntu hori, Mediterranoa migranteentzat euren bidearen erdia den bezala. Lasterkariu batek baino gehiagok bota du gaur ere euroa olan urdin zabalaren gainera Gabierrota paretik pasa denean. Jasotakoa, aita Mari itsas salbamendu elkartearibideratuko diote oso-osorik.Palestinak ere presentzia izan du lasterketa entzutetsuan; Alabergako biribilgunearen aurretik bildu dira hainbat herritar Palestinako ikur eta banderekin. Lasterketa barruan ere izan da Palestina bizitzen ari den genozidioari erreferentzia egin dionik, bandera eskutan, soinean edo elastikoa jantzita.

Ez dira horiek izan elkartasuna adierazteko arrazoi bakarrak izan. Erresidentzietako langileen egoera konpontzeko eskatzen zuen korrikalari batek soinean zuen elastikoarekin, eta euskal errepresaliatuentzako amnistia eskatu du lasterkari talde batek, hizkiz hizki hitza osatuta.

Fibromialgiari ere egin dio tartea beste lasterkari talde batek, ikusgarritasuna emateko gaitzari.

Ziurrenik, beste aldarri asko oharkabean pasa dira jende uholdearen artean, baina izan, izan dira. Lasterketa da Behobia-Donostia, baina baita, elkartasuna.

Bihar, astelehena, Oarsoaldeko eta Bidasoko herrietako korrikalarien sailkapena emango du herriz herri HITZAk.

Ondoko argazkiak, Gabierrotan eta Erdialdean ateratakoak dira.

Behobia-Doniostia 2025 Gabierrota eta erdialdean

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.