Bi kontzertu urtea bukatzeko
Donibaneko Itsas Mendik bi emanaldi antolatu ditu. Hilaren 21ean Errenteriako Udal Txistulari Taldea Juanba Berasategi aretoan izango da. Abenduaren 12an, aldiz, Zaria Koru Eskolak Gabon kontzertua egingo du San Joan Bataiatzailearen parrokian.
Donibaneko Itsas Mendi Musika Taldeak antolatu dituen azken bi kontzertuen berri eman du. Biak ala biak barrutian izango dira, urtea bukatu baino lehen. Alde batetik, Errenteriako Udal Txistulari Taldea Juanba Berasategi aretoan izango da hilaren 21ean, 19:30ean. Errenteria-Oreretako txistulariak ez dira bakarrik egongo, haiekin batera izango baitira Itsas Mendi Txistulari Taldea, Konstantzia Musika Banda, Lintxua Dantza Taldea, Kepa Isasi bertsolaria eta Donibaneko Kantujira eta danborrada herrikoia. Sarrera doakoa da.
Bestalde, Errenteria-Oreretako Zaria Koru Eskolak Gabon kontzertua egingo du abenduaren 12an San Joan Bataiatzailearen parrokian, 20:00etan. Sarrera doakoa da.
