Materrek bi jarduera programatu ditu astebururako
Bihar Jaizkibelgo itsaslabarrak bisitatuko dituzte, Mater ontzian nabigatuz. Igandean zientzia, hondakin bilketa eta biodibertsitate behaketa egingo dituzte Asturiaga senadian.
Mater Ontzi Museo Ekoaktiboak bi jarduera programatu ditu astebururako. Lehena bihar (larunbata) izango da, 12:00etatik 13:30era, eta Jaizkibelgo itsaslabarrak bisitatuko dituzte, Mater ontzian nabigatuz. Parte hartzaileek, gainera, hegaluze pintxo bat dastatu ahal izango dutela aurreratu dute Materreko kideek. Irteeraren prezio orokorra 30 eurokoa da. 12 urtetik beherakoek prezioa, aldiz, 15 euro ordaindu beharko dituzte parte hartzeko.
Bestalde, Aldaketaren Marea eta Kostaldea Ikertzen egitasmoen baitan, igandean (hilaren 23an) zientzia, hondakin bilketa eta biodibertsitate behaketa egingo dituzte Asturiaga senadian, 10:00etatik 13:00etara. Jarduera horretan parte hartzea doakoa da.
Jardueretan parte hartzeko beharrezkoa da izena ematea Materren webgunean, helbide elektroniko bidez edo 619 81 42 25 telefonoan.
