Astelehenetik aurrera banatuko dituzte udal egutegiak
2026ko udal egutegiak Pasaiako HAZ bulegoetan jaso ahal izango dira, 08:00etatik 14:00etara. Doakoak dira eta pasaitar bakoitzak ale bat hartu ahal izango du.
Pasaiako Udalak, iaz irekitako bideari jarraipena emanez, 2026ko udal egutegia sortu du. Bertan, lau barrutietako irudi eta data bereziak jaso ditu udal erakundeak. Datorren urteko egutegiak abenduaren 1etik (astelehena) aurrera banatuko dituzte udalerriko HAZ bulegoetan (Antxon, Donibanen eta Trintxerpen), 08:00etatik 14:00etara bitartean. Egutegiak doan banatuko dituzte, eta pasaitar bakoitzak ale bat hartzeko aukera izango duela jakinarazi du udalak.
Honakoa adierazi du Teo Alberro alkateak: “Aurtengo udal egutegia sekula baino parte hartzaileagoa da. Azala, Laurak Bat elkartearekin batera antolatutako lehiaketa bidez hautatu da eta irudi horrek gure lau barrutien aniztasuna eta aberastasuna islatzen du. Barnean, Pasaiaren ehun soziala osatzen duten elementuak aurki daitezke: gure jaiak, tokiko merkataritza eta kultura, aldarrikapenak…”.
