Arau hauste penalek 11 puntuan egin dute behera udalerrian
Udaleko segurtasun mahaia gaur elkartu da eta azken hilabeteetako bilakaeraren balantze positiboa egin du.
Gaur egin dute udaleko segurtasun mahaia datuak aztertzeko.herri bizia Aurreko urtearekin alderatuta, 2025ean udalerrian izandako arau hauste penalek 11,5 puntu egin dute behera. Gaur zabaldu du datu hori udalak, segurtasun mahaia bildu ostean; azken hilabeteetako bilakaeraren balantze positiboa, beraz.Zehazki, urtarrila eta iraila arteko arau hauste penalak aztertu dituzte eta epe berean iaz izandako kopuruarekin alderatu.
Zenbakietara eramanda, iaz 1.745 arau hauste izan ziren; aurten, 1.542 izan dira. Iaz ere, beheranzkoa izan zen joera, apalagoa, baina orduan ere jaitsiera eman zen arau hauste penal kopuruan, %3koa zehazki. Jaitsiera arau hauste presentzialetan eman da, zehazki, %17,5ekoa izan da jaitsiera horien kasuan 1.299tik 1.072ra pasata. B alantzaren bestaldean, ziberdelikuentzia datuak, delitu horien kopurua igo egin da %6an, 443tik 470era igota.
Arau hauste delitu presentzialen kasuan gauzetan indarra erabiliz egindako lapurretak dira gehien jaitsi direnak, %33 egin dute behera horiek.
Arau hausteak aztertzearekin batera, gatazka bitartekaritza zerbitzuaren ibilbidea ere aztertu dute segurtasun mahaian gaur. Ondorio bat atera dute, zerbitzua kontsolidatuta dagoela. Aurten 49 kasu kudeatu ditu; horietatik 22 kasu akordio batera heldu dira, 18 kasu ebatzi gabe daude, eta 9 kasu abian daude. Kudeatutako gatazken artean nagusiena, zaratarekin lotutakoa izan da (31 kasu). Bitartekaritza modu nagusia, berriz, zuzena izan da 29 kasurekin, eta ondoren zeharkakoa 16rekin.
