Andra Mari Abesbatza eta Orkestraren Gabonetako kontzertua, igandean
Fatimako elizan izango da emanaldia, 18:30ean hasita.
Eguberrien atarian emanaldi berezia antolatu dute Andra Mari Abesbatzak eta Orkestrak beste urte batez. George Friedrich Haendel musikari barrokoaren Mesias klasiko unibertsalaren hautaketa bat eskainiko dute emanaldi horretan Errenteriako Fatima elizan, igandean, 18:30ean.
Kontzertu sinfoniko koral horretan Lorea Lopez Ederra, Mario Hernandez Okiñena, Aitor Garitano Agirreolea, eta Jesus Garcia Arejula bakarlariekin batera, 35 ahotsez osatutako abesbatza eta 16 instrumentistek hartuko dute parte; guztiak, Andoni Sierraren zuzendaritzapean.
Emanaldiak ordu eta laurdeneko iraupena izango du, eta sarrera librea eta doakoa izango da, elizaren edukiera bete arte.
