Pasaitarrek asteburuan ospatuko dute San Tomas
Antxoko eta San Pedroko jarduerak larunbatean izango dira. Donibanekoak eta Trintxerpekoak, aldiz, igandean. Donibaneko Meipi auzoko San Tomas eguna hilaren 21ean ospatuko da.
San Tomas eguna gainean da. Hilaren 21ean ospatuko dira txistorraren bueltako jarduerak. Pasaian, baina, aurre hartuko diote data horri, ospakizunak asteburu honetara (hilaren 13ra eta 14ra) aurreratu baitituzte. Txistorra usaina lau barrutietara iritsiko da asteburuan, eta jarduera sorta zabala prestatu dute antolatzaileek. Antxoko eta San Pedroko jarduerak larunbatean izango dira. Donibanekoak eta Trintxerpekoak, aldiz, igandean. Bestalde, Donibaneko Meipi auzoko San Tomas eguna hilaren 21ean ospatuko da. Egitarau oso-osoa, jarraian:
San Tomas eguna 2025
Hilak 13, larunbata
Antxo
- 10:00: Artisauen azoka Gure Zumardian. Txistorra eta pintxoak ere egongo dira salgai.
- Goizean zehar: Kantu jira herrian barrena.
- 12:00: Pasaia-Lezo Lizeoko haurren kantaldia, Gure Zumardian.
- 13:00: Erraldoi eta buruhandien topaketa: Pasaiako, Lezoko, Agoizko, Legazpiko eta Irurako konpartsak bilduko dira. Hamarretxeta kaletik hasiko da ibilbidea.
- 15:00: Herri bazkaria Ibaiondo frontoian: babarrun jana. Ondoren, kantaldia.
- 20:30: Joselontxos txaranga.
San Pedro
- Goizean zehar jarduerak antolatu dira frontoiaren inguruan, besteak beste, Pasaia-Lezo Lizeoko haurren kantu emanaldia. Euria egiten badu, Proisako eremuan antolatuko dira jarduerak.
Hilak 14, igandea
Donibane
- 11:00-14:00: Itsas Mendi elkarteak antolatutako azoka, Santiago plazan. Talo eta txistorra postuak jarriko dituzte.
- 11:00: Trikitilariak eta konpota erakustaldia.
- 12:00: Pasaia-Lezo Lizeoko haurren kantaldia, Konstantzia musika bandak lagunduta. Ondoren, Lintxua Donibaneko Euskal Dantza Taldearen emanaldia.
- 14:00: Euskal produktuen zozketa.
Trintxerpe
- 10:00-15:30: Ekaitza Gazte Taldeak antolatutako txistorra postua, Azkuenen.
- 10:00-15:00: Boveda Gazte Elkarteak antolatutako txistorra postua, Euskaki etorbidean, Azoka pareko espaloian.
Hilak 21, igandea
Donibane: Meipi
- Goizean zehar eta 15:00ak arte: Txistorra postua jarriko dute Meipiko plazan.
