San Juanen bost garaipen bateletan
San Pedron jokatu zen larunbatean Gipuzkoako Batel Ligako bosgarren jardunaldia. Emaitza oso onak Oarsoaldeko ontzientzat.
San Juanen batel bat, larunbatean badian.San Juan-Koxtape Gipuzkoako Batel Ligako bosgarren jardunaldiko estropadak jokatu ziren San Pedron larunbatean. Zortzi mailatako lehiak izan ziren, eta horietan seitan Oarsoaldeko ontziak irabazle: San Juanek bost garaipen lortu zituen, eta Hibaikak bat. Herrialdeko ligako hurrengo jardunaldian hilaren 14an (larunbata) Donostian izango da.
San Juanek mutilen Haur Mailan, nesken Promesa Mailan, nesken eta mutilen Gazte Mailan, eta emakumeen eta gizonen seniorretan lortu zituen garaipenak. Hibaikak, berriz, Nesken Gazte Mailan Gainontzeko bi estropadetan onenak Orio (mutilen Promesa Mailan) eta Mutriku (nesken Haur Mailan) izan ziren. Orotara 78 izan ziren Sanpedrotarra Arraun Elkarteak antolatutako jardunaldian parte hartu zuten ontziak.
Jarraian, mailaz maila, bertako batelek lortutako emaitzak (sailkapen osoa ikusteko baliatu esteka hau):
- Mutilen Haur Maila: San Juan irabazle, Hibaika laugarren, eta San Pedro (mistoa) bosgarren.
- Nesken Haur Maila: Mutriku irabazle, eta San Pedro A zazpigarren.
- Mutilen Promesa Maila: Orio A irabazle, San Juan bigarren, San Pedro bosgarren, Hibaika A bederatzigarren, eta San Juan (mistoa) hamaikagarren.
- Nesken Promesa Maila: San Juan B irabazle, eta San Juan A bederatzigarren.
- Mutilen Gazte Maila: San Juan A irabazle, San Pedro hirugarren, San Juan B laugarren, San Juan C zazpigarren, eta Hibaika zortzigarren.
- Nesken Gazte Maila: Hibaika A irabazle, San Juan hirugarren, San Pedro laugarren, Hibaika B seigarren, eta Hibaika C zazpigarren.
- Gizonen Absolutu Maila: San Juan A irabazle, San Juan B hirugarren, Hibaika laugarren, eta San Juan C bosgarren.
- Emakumeen Absolutu Maila: San Juan A irabazle, eta San Juan B bigarren.
