Trintxerpek hartuko du lekukoa
Antxokoak, Donibanekoak eta San Pedrokoak egin ondoren, Trintxerpeko Inauteriak egingo dira hilaren 20tik 22ra bitartean. Jai batzordeak programazio zabala prestatu du mozorroaren festaz gozatzeko.
Antxokoak, Donibanekoak eta San Pedrokoak egin ondoren, Pasaiako Inauteriek jarraipena izango dute asteburu honetan, Trintxerpeko Inauteriak ospatuko baitira hilaren 20tik 22ra bitartean (ostiraletik igandera). Trintxerpeko Jai Batzordeak programazio anitz eta zabala ondu du mozorroaren festaz gozatzeko, eta, ohi bezala, desfileek eta konpartsek garrantzia handia izango dute. Aurtengo mozorrotzeko gaia Olinpiar Jokoak dira.
Jarraian Trintxerpeko Inauterien programazioa egunez egun:
Trintxerpeko Inauteriak 2026
Hilak 20, ostirala
- 11:00: Karmengo Amako ikasleen desfilea, Trintxerpeko kaleetatik barrena.
- 18:30: Kalejira txistulariekin, Serafin Esnaola plazatik hasita.
- 21:00: Konpartsen aurkezpena frontoian.
Hilak 21, larunbata
- 12:30: Kuadrillen poteoa Sastakai txarangarekin, Serafin Esnaola plazatik abiatuta.
- 17:00: Konpartsa eta kuadrillen desfilea. Ibilbidea: Gudari plaza, Euskadi etorbidea eta Correos. Konpartsak: Lezoko eztandak, Txasiss, Show Time, Coco Dance, Boveda eta Fama.
- 19:30: Matraka elektrotxaranga. Ibilbidea: Euskadi etorbidea, Correos, Gudari plaza eta Serafin Esnaola plaza.
- 21:00: Inauterietako haur afaria, Karmengo Amako gimnasioan.
- 00:00: DJ Javi, Serafin Esnaola plazan.
Hilak 22, igandea
- 12:00: Buruhandi eta erraldoien konpartsa dultzainekin. Ibilbidea: Euskadi etorbidea, Gudari plaza eta Serafin Esnaola plaza.
- 17:00: Konpartsa eta kuadrillen desfilea: Ibilbidea: Gudari plaza, Euskadi etorbidea eta Correos. Konpartsak: Illunbe Musika Banda, Lezoko eztandak, Thamesis, Txasiss, Show Time, Boveda eta Fama.
- 19:30: Bakailaoaren ehorzketa. Ibilbidea: Azkuene, Euskadi etorbidea eta portua.
