Eki Beobide Lertxundi eta Marina Lertxundi Manterola garaile orientazio txapelketan
Euskal Herriko Orientazio Koparen lehen jardunaldian 200 parte hartzaile aritu dira Urdaburu inguruan.
Familiei begirako parte hartzea ere izan zen.Gipuzkoako Orientazio Taldea GOT 200 lagunek hartu zuten parte GOT Gipuzkoako Orientazio Taldeak antolatuta Urdaburun jokatu zen Euskal Herriko Orientazio Koparen lehen jardunaldian. Gipuzkoako Orientazio Liga Herritarraren bigarren jardunaldia ere izan zen jokatutako hori. Euriak tarte bat eman zuen proba bitartean eta baldintza egokietan aritu ahal izan ziren parte hartzaileak.
Lehiaketako ibilbide nagusia, beltza. Horretan Ekhi Beobide Lertxundi (GOT) izan zen irabazlea gizonetan 50:20ko denbora eginda, eta Marina Lertxundi Manterola (GOT) emakumeetan 1:09:32 denborarekin. Gizonetan Robertso Pascual Orcajo (CDN) 50:56ko denborarekin eta Marco Gutierrez Garciak (COBI) 55:43 denborarekin osatu zuten podiuma.
Emakumeetan Marilyn Idiartek (KOstaberde) egin zuen bigarren 1:22:30eko denborarekin, eta Martina Klucarovskak (COBOT) hirugarren 1:22:53ko denborarekin, hirugarren.
Ibilbide beltzaz gain, lasterketak parte hartze zabala izan zuen ibilbide gorri, laranja eta horian. Datu bat jarri dute nabarmen, emakumeen parte hartzea %35etik gorakoa izan da.
Urdaburuko hitzorduak Euskal Herriko Orientazio Kopari hasiera eman zion, Euskal Mendi Federazioak, Nafarroako Mendi Federazioak, Euskal Herriko Mendiko Biltzarrak eta dagozkien lurraldeetako orientazio klubek bultzatutako zirkuituarekin. Lehen proba honekin, Euskal Herriko orientabideak ikasturte “lehiakor bati ekin dio, parte hartze handiarekin eta lehen jardunalditik muga oso goian jarrita”.
Ondoko argazkiak GOT Gipuzkoako Orientazio Taldeak eginak dira.
