Udaberria, zopa, arrainak eta otsoak Andreoneko ipuinetan
Martxoaren 4tik maiatzaren 27ra artean zortzi ipuin kontaketa jasoko ditu Andreone Udal Liburutegiak.
Amaia Puinen saioa martxoaren 25ean izango da. Andreone Lezoko Udal Liburutegiko arduradunek herriko haurren udaberria gozatzeko hautu irmoa egin dute. Martxoaren 4tik maiatzaren 27ra artean zortzi ipuin kontaketa jasoko ditu herriko kultura aretoak. Kontalariek udaberria, zopa, arrainak eta otsoak izango dituzten euren kontaketen oinarrian, besteak beste. 4-7 adin tartekoentzat dira kontaketak, eta denak asteazkenez izango dira, 18:15ean hasita.
Hona hemen Andreoneko eta Lezoko haurren udaberria imajinazioz beteko duten ipuin kontaketa saioen zerrenda:
- Martxoak 4. Ixabel Agirresaroberen kontaketa: Martxoan ze berri? Kontu zaharrak ugari!
- Martxoak 11. Ines Bengoaren txanda: Basoan barna.
- Martxoak 18. Mikel Susperregi lezoarraren eskutik, Bidean kantari.
- Martxoak 25. Amaia Puinek Zup-zup, zopa ipuinak! kontatuko du.
- Maiatzak 6. Ameliren musikarekin, Udaberriko istorioak.
- Maiatzak 13. Maite Frankok Arraina eta limoia ekarriko ditu Andreonera.
- Maiatzak 20. Pello Añorga oiartzuarrak jarriko du magia Lezoko liburutegian Udaberriko haziak kontatuz.
- Maiatzak 27. Lur Korta Otsoz otso ibiliko da.
