Nafarroa etorbideko bidegorria berritzen hasi dira
Astelehenean hasi zituzten lanak Nafarroa hiribideko bidegorriaren hiru zatien trazadura egokitzeko eta berritzeko.
Nafarroa etorbideko bidegorria berritzen ari dira.Herri Bizia Astelehenean hasi zituzten lanak Nafarroa hiribideko bidegorriaren hiru zatien trazadura egokitzeko eta berritzeko. Bi zatitan egingo dituzte lan horiek: lehenengoa Alabergako Arditurri plazan eta Matxain inguruan, Santa Klara plazatik Papresako zubiraino; eta bigarrena Fernandez de Landa plazatik Niessen zentrora sartzeko gunean dagoen autobus geltokiraino.
Otegi Gaztañaga SL enpresari esleitu zaizkio lanak. Aurreikusitako iraupena 18 astekoa da, eta sor daitezkeen eraginak behar bezala komunikatuko direla azaldu du udalak esku hartutako espazioetan.
402.528,29 euroko inbertsioa egingo da lanetarako, eta finantzaketari Europako FEDER funtsetatik heldu zaio. Obra horrekin, udalerriko bizikleta sarea hobetzen jarraitu nahi duela azaldu du udalak, “tarte horietan bizikleten eta oinezkoen arteko erabilera-tarte bereiziak erraztuz. Tarte horien diseinua herritarrekin eta elkarteekin partekatu eta adostu da, auzoek proposamenen berri izan dezaten”.
