Adierazpen instituzionala Martxoaren 8aren harira
EH Bildu, Podemos-Ahal Dugu eta EAJ-PNV alderdiek "emakumeen eta gizonen arteko berdintasun erreal eta eraginkorrarekin" duten konpromisoa berretsi dute Emakumeen Egunaren atarian.
Igandean Martxoaren 8a da, Emakumeen Nazioarteko Eguna, eta “emakumeen eta gizonen arteko berdintasun erreal eta eraginkorrarekin” duten konpromisoa irmoki berretsi dute Pasaiako Udalean ordezkaritza politikoa duten EH Bildu, Podemos-Ahal Dugu eta EAJ-PNV alderdiek. “Printzipio demokratiko hori ukaezina da, eta gizarte justu, aske eta kohesionatu baten funtsezko zutabea”, adierazi dute. Hiru alderdi horiek ez dute PSE-EEren erantzunik jaso, nahiz eta adierazpena duela astebete bideratu.
EH Bilduk, Podemos-Ahal Duguk eta EAJ-PNVk dei egin diete herritar eta erakunde guztiei “batuta eta elkartuta” irmo egon daitezen “lortutako eskubideak defendatzeko eta, atzera pausorik gabe, berdintasun erreal eta eraginkorrerantz aurrera egiten jarraitzeko”. Horregatik guztiagatik, hiru alderdi politikoek honako konpromisoak hartu dituzte:
- Gure herrian eta eskualdean taldeak sor daitezen sustatzea, diskurtso misogino eta anifeministei aurre egiteko eta informazio faltsuen hedapena desaktibatzen laguntzeko.
- Tokiko eremuan lehentasunezko kolektiboekin lanketa egitea, jarrera antifeministak gainditu eta maskulinitate eredu kaltegarriak eraldatzeko.
- Erresidentzia aliantzak sustatzea talde feminista eta tokiko beste eragileekin, jarrera antifeministak identifikatzeko eta eteteko bizikidetza espazioetan eta komunitate birtualetan.
- Baliabideak eta egiturak zaintzea eta babestea, gure udalerrian berdintasun politikek aurrera egiten jarrai dezaten.
- Pasaiako mugimendu feministak gizarte justu eta berdintasunezkoa lortzeko egindako ekarpena eta lana aitortzea.
Azkenik, hiru alderdi horiek dei egin diete herritarrei bat egin dezaten igandean antolatzen diren deialdi eta aldarrikapenekin bat egiteko.
Hona hemen, hitzez hitz, EH Bilduk, Podemos-Ahal Duguk eta EAJ-PNVk esandakoa.
