Silvi, Ana Cristina eta Pepi, betirako
XVI. Mariasun Landa Sariak banatzeko ekitaldia egin dute Emakumeen Etxean.
Sarituen eta lanen protagonisten talde argazkia, Mariasun Landarekin eta Aizpea Otaegi alkatearekin.Mendi Urruzuno Atzo eguerdian banatu dira XVI. Mariasun Landa Sariak. Lepo bete zen Emakumeen Etxea jada emakumeen aitortzarako eta memoriarako espazio bilakatu den sariketaren une gorenerako. 70 bat izan ziren emakumeen ahalduntzerako gunean bildu ziren herritarrak, tartean zirelarik udal ordezkariak, Aizpea Otaegi alkatea buru. Nola ez, Mariasun Landa bera ere han izan zen. Berdintasun Kontseiluak antolatu du Mariasun Landaren eta herriko emakumeen omenezko idatzien sariketa. Sariak eman ondoren zizka-mizka jatean izan ziren saridunak eta publikoa.
Hiru sari eman zituzten. Emakumezkoen Begirada atalekoa Axun Erzibengoa Aizpioleak egin du bere, Silvi Vesga Silvari buruz egindako lanagatik. Emakumezkoei Begirada sailaren saria, berriz, Nagore Perez Fernandezentzat izan da Ana Cristina Henrique Torres oinarri hartuta sortu duen idatziagatik. Aipamen berezia ere izan da, Iñigo Legorburu Arregirentzat, Pepi Asenjo Arrieta ardatz hartutako lanari aitortza egiteko. Lan irabazleak 2026ko Oarso aldizkarian publikatuko dira. Silvi, Ana Cristina eta Pepi, herriari ezagutarazi eta memorian betikotu diren izenak eta pertsonak izango dira Mariasun Landa Sariei esker.
Bai irabazleek zein, zein haiek egindako idazlanen protagonistek (Ana Cristina Henrique Torresek eta Pepi Asenjo Arrietak; Silvi Vesga Silva hil egin zen) hitz hunkigarrian helarazi zizkieten aretoa lepo bete zutenei. Mariasun Landak ere hitz hartea egin zuen, eskerrak eman zizkien sariketaren antolaketaren buru direnei, lanak aurkeztu dituztenei, eta zorionak irabazleei. Garazi Urdanpilleta kazetariak gidatu zuen sari emate ekitaldia.
Atzokoa Errenteriako Udalak eta hainbat eragile eta talde feministek, Berdintasun Kontseiluarekin batera Martxoaren 8aren harira antolatu dituztenen barruko ekitaldia izan zen. Atzo arratsaldean, bestalde, Idoia Asurmendiren kontzertua izan zen Lekuonan (20:00). Gauean (23:00), berriz, Arkahitzak bertso saio berezia Arkaitza tabernan. Gaurko (Martxoak 8, igandea) ekitaldi zentrala Herriko Plazatik 12:30ean abiatuko den manifestazioa izango da.
Azpiko zerrendan, Martxoaren 8are harira antolatutakoen zerrenda, eta segidan, Mendi Urruzunok HITZAri emandako argazkiei esker, atzoko Mariasun Landa Sarien azken ekitaldiko irudi sorta.
Martxoak 8 Errenteria-Oreretan. Egitaraua.
Hilak 8, igandea. Emakumeen Eguna.
- 12:30ean, Herriko Plazatik, Beste mundu bat feminismotik: antolakuntza eta borroka izenburupean manifestazioa.
Hilak 10, asteartea
- 19:00etan, Niessen zinemetan, Lurdes Iriondo, ez gara alferrik pasako dokumentala Herri Arte Eskolako ikasleen emanaldiarekin.
Hilak 14, larunbata
- 10:00-14:00 eta 15:30-19:30, Emakumeen Etxean, autodefentsa feminista saioak Maitena Monroyrekin.
Hilak 15, igandea
- 12:00etan, Madalenaren basilikan, Gure amonei omenaldia ekitaldia.
Hilak 18, asteazkena
- 17:30ean, Lekuona Fabrikan, Emakume Artisten Zikloaren barruan Zorione Mendezek gidatutako jarduera.
Hilak 21, larunbata
- 10:00-14:00 eta 15:30-19:30, Automaitasuna eta ahalduntzea aldaketa kolektibo baterako izeneko laborategia Franziska Rautenberg eta Anahi Sarasolarekin.
Hilak 24, asteartea
- 18:00etan, Emakumeen Etxean, Life is simpol bakarrizketa.
Martxoak 25, asteazkena
- 18:00etan, Niessenen, Amalatzen XXII. Zine Zikloaren barruan, Plan 75 filma
Martxoak 30, astelehena
18:00etan, Niessenen, Amalatzen XXII. Zine Zikloaren barruan, Las chicas de la estación filma.
Hilaren 4tik 21era
- 17:00-20:00 tartean, Xenpelar Etxean, Hamaika emakume*, hamaika erronka erakusketa Mendi Urruzunoren argazkiekin eta Naiara Rodriguezen testuekin.
Hilaren 2tik 14ra
- Udal liburutegian, Emakume aparten biografiak izenburupean, interes guneak.
