24 Korrika

Antxotarrak hasi dira Korrikarako girotzen

Ibaiondo frontoian bazkaria egin dute laurogei bat lagunek Korrikarako girotzen hasteko.

2026/03/14

Irrikaz, hala bizi dute Korrika haur, gazte, zein adinekoek, eta atzera kontaketa betean murgilduta daude. Asteazken goizean helduko da Oarsoaldera, eta zorionekoak dira antxotarrak, barrutitik behin ez bitan pasako baita euskararen aldeko lasterketa erraldoia. Orduan korrika egin beharko dute, gogotik astindu lekukoa, baina gaur, mahaiaren bueltan eta izerdirik bota gabe—ez dago eta horretarako giro— erakutsi dute prest eta gogoz daudela euskararen alde egiteko.

Bazkariaren ostean, Ibaiondon bertan hartu du lekukoa bingo musikatuak. 19:00etatik aurrera, berriz, musika izango dute lagun Joselontxo’s txarangak girotuta.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.