Asteazkenean, odola emateko aukera Antxon
Barrutiko anbulatorioan egin ahal izango dute elkartasun keinua hala nahi dutenek, 16:30etik 20:30era.
Hilaren 15ean (asteazkena) odola emateko aukera izango dute hala nahi dutenek Antxoko anbulatorioan, 16:30etik 20:30era. Elkartasun keinua egiteko aurrez txanda hartu behar dela zehaztu dute Antxoko odol emaileek: hilaren 12 eta 13an Internet bidez har daiteke lekua, eta bezperan (hilaren 14an) telefono dei bidez (943 31 70 91).
Martxoko odol emate saioan jasotakoaren berri eman dute barrutiko odol emaileen taldekoek. Hala, 33 poltsa jaso zirela zehaztu dute, horietatik lau odol emaile berrien ekarpenari esker.
18 urtetik gorako herritar guztiei gonbita egin diete elkartasun keinua egin dezaten.
