Oarsoaldeko hemezortzi ontzi Euskadiko Batel Txapelketan
Asteburuan jokatuko da Sestaon (Bizkaia) Euskadiko Batel Txapelketa. Bihar (larunbata) sailkapen estropaden txanda izango da 15:00etatik aurrera, eta etzi finalak 09:30ean hasita.
Asteburuan jokatuko da Sestaon (Bizkaia) Euskadiko Batel Txapelketa. Bihar (larunbata) sailkapen estropaden txanda izango da 15:00etatik aurrera, eta etzi finalak 09:30ean hasita. Oarsoaldeko hemezortzi ontzik lortu dute han izateko eskubidea.
Zehazki, San Juan-Koxtapek hamar batel eramango ditu Sestaora (kategoria guztietan dute ordezkaritza), Hibaikak sei, eta Sanpedrotarra Arraun Elkarteak bi.
Euskadikoan aritzeko eskubidea joan den martxoaren 28 eta 29 artean San Pedron egin zen Gipuzkoako Batel Txapelketan lortu zuten ontzi horiek.
Gipuzkoako Txapelketa
Martxoaren 28aren eta 29aren artean izan zen jokoan Gipuzkoako Batel Txapelketa; 28ko estropadak, gainera, Gipuzkoako Ligako 12. eta azken jardunaldikoak izan ziren.
Herrialdeko txapelketari dagokionez, jokoan izan ziren zortzi kategorietatik hirutan Oarsoaldeko ontziak garaile: San Juan emakumeen Promesa eta Absolutu mailetan, eta San Pedro gizonen Gazte Mailan.
Gipuzkoako Batel Txapelketako emaitza zehatzak ikusteko erabili esteka hau.
