Gutuna: "Mundu berri baten alde"
Hainbat euskal herritar Venezuelan izan da Caracasko Internazional Antifaxistan parte hartzen. Horren harira adierazpena egin du euskal ordezkaritza horrek eta komunikabideetara helarazi.
2024ko azaroaren 28an, Euskal Herriko hainbat lagunok Caracasen (Venezuela) parte hartu genuen
Internazional Antifaxistaren Talde Sustatzailearen sorreran. Ekimen honen helburua Faxismoa,
Neofaxismoa, Sionismoa eta antzeko adierazpenak garaitzea ahalbidetuko duen munduko egitura
organiko indartsua sortzeko oinarri sendoak ezartzea da.
Euskal Herriko aniztasun politikoaz jabetuta, eta borroka antifaxistan dagoeneko aktibo dagoen
erakunde edo mugimendu bat bera ere ordezkatu nahi izan gabe, Internazional Antifaxistaren
Euskal Atala sortzeari bultzada eman nahi diogu.
Abiapuntutzat hartzen dugu nazioarteko gorakada faxistak ongarritutako eremua duela Espainiako
Estatuan, erregimen frankistarekiko benetako haustura demokratikorik ez baitzen inoiz gertatu.
Frantziako Estatuak ere ez du erakutsi Euskal Herriarekiko errespetuzko jarrerarik bere aldarrikapen
historikoetan. Horren aurrean, Euskal Herriak erresistentzia eta konpromiso antifaxista tradizio
luzea du hainbat garaitan, eta hori ezin da gelditu, are gutxiago gaur egun.
Gure helburua, beraz, faxismoari eta inperialismoari aurre egiteko ekimen zehatzen inguruan
indarrak batzea izango litzateke, eta, aldi berean, Mundu Berri baten eraikuntzan dagoeneko aktibo
dauden munduko beste leku batzuetako militante antifaxistekin harremanak sustatzea. Ez dezagun
ahaztu Gizateriaren etsaia den inperialismo dekadentearen aurrean, gero eta Herri eta Nazio gehiago
ari direla beren subiranotasun, errespetu eta elkarrekiko laguntzako bideetatik igarotzen.
Datozen hilabeteetan, beraz, Internazional Antifaxistaren Euskal Atala sortzeko urratsak emango
ditugu, eta, horretarako, ahalik eta aliantza gehien izatea espero dugu.
Alberto Bonilla, Jon Metauten, Aitor Sanz, eta Francisco Roman, Caracasko Internazional Antifaxistan parte hartu duen ordezkaritzaren izenean.
