Zaku bat bete elkartasun eraman nahi dute Errenteriatik Zangotzako ikastolara, Nafarroa Oinezera

Hiru eguneko martxa bat egingo dute, baina helburua martxa bera ez dela esan dute Saretuzeko kideek, Zangotzako ikastolara, Nafarroa Oinezen egunean, elkartasuna iristea baizik.

Erik Gartzia

Errenteria-Orereta

2014/10/01

Egitasmoarekin bat egin duten kideak, atzoko agerraldian

Saretuzen ekimenez, eta Errenteria-Oreretako hainbat talde, eragile, erakunde eta norbanakoen laguntzarekin, Nafarroa Oinezera hiru eguneko martxa egingo dute urriaren 17tik 19ra. Urriaren 17an 08:00etan abiatuko da martxa Urdaburu mendizale taldearen egoitzatik, eta hilaren 19an iritsiko da Zangotzara, goizez. Helburua: zaku bat bete elkartasun Zangotzako ikastolari ematea. Izan ere, atzoko agerraldian egitasmoaren sustatzaileek adierazi bezala, egitasmoaren helburua ez da soilik txango bat egitea, edo diru bilketa soila egitea. Bete-betean dago Nafarroa Oinez laguntzea Saretuzen asmoarekin, euskara indartu eta Euskal Herriaren kohesio eta nortasun indartzearekin. Horretarako, motxila edo zaku antzekoa prestatu dute Saretuzeko kideek: hilaren 17 baino lehen bete nahi dute, elkartasun mezuz —haurren mezuekin—, eta laguntza ekonomikoz —herriko hainbat sektoretako kideek zakua alderik alde mugituko dute, diru ekarpenak lortzeko—. Hori guztia Zangotzako ikastolako kideei emango diete. Edonork parte har dezake bai martxan, zein laguntza ematen. Horretarako Saretuzeko kideekin harremanetan jartzea besterik ez dago. Atzo eman zituzten euren egoitzan egitasmoaren gaineko argibideak Saretuzeko kideek. Bertan izan ziren ere egitasmoarekin bat egin dutenak. Ondoko PDFan dago ibilbidea, etapa bakoitzaren arduradunarekin; egun bakoitzean hainbat etapa daude. Martxaren ibilbidea

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.