Onartu dute soldata igoera, herritarren kexa artean

Gobernu taldeak ez du bere erabakiaren gaineko azalpenik eman, plenora azalpen eske bildutako herritarren harridurarako

oarsoaldea

2015/07/24

Oihane Oronozek hitz egin du EH Bilduren izenean

Puntual hasi eta azkar bukatu da gaur goizeko ezohiko udalbatzarra Pasaian. Bost puntuan igo du bere soldataren maila Izaskun Gomez alkateak –oposizioak salatu duenez hamar puntuan igotzea zen hasierako asmoa-. Horrez gain, sei liberazio adostu dituzte. Oposizioak plenoa hasi aurretik jaso du soldata igoerarako azken proposamena. EH Bilduk salatu duenez, astebetean jaso duten hirugarrena izan da. Proposamena gobernu taldearen aldeko 9 botoekin atera da aurrera (EAJko Erik Rios ez da udalbatzarrean izan). Kontra bozkatu dute EH Bilduk eta Pasaiak Ahal du. Pasaiak Ahal Du taldeko bozeramaile Nerea Gonzalezek, publikoki adierazi du bere soldata 11. mailara murrizteko konpromisoa. Horrez gain, plenoan izan diren adierazpen bakarrak, EH Bilduko Oihane Oronozenak izan dira, igoeraren kontra egiteko. Gobernu taldeak ez du azalpenik eman, ezta eta bere erabakiaren defentsarik egin, nahiz udalbatzarrera bildutako herritarrek hala eskatu duten.

Hondakin biltzaileek elkarretaratzea egin dute, beren lanpostuen defentsan

Kanpoan, langileen elkarretaratzea Plenoa bukatu berritan bildu dira hondakin biltzaileak elkarretaratzean, beren lanpostuen defentsan. 13 lanpostua kolokan daudela gogoratu dute langileek, eta EAJ eta PSE-EEren jarrera salatu dute, beren lanpostuei eusteko konpromisorik agertu gabe, beren soldatak igotzea adostu dutelako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.