2016ko aurrekontuei hasierako onarpena ematea aztertuko dute etziko plenoan

Hamahiru puntu jorratuko dituzte ostiral arratsaldeko udalbatzarrean. Ogasuneko hiru atal eta hirigintzako bi aztertuko dituzte, besteak beste.

Erik Gartzia Egaña

Pasaia

2015/12/16

Lehengo astearteko plenoan adostu zuten hurrengo urterako zergen ordenantza

Ezohiko udalbatzarra egingo dute ostiralean, 13 puntukoa. Ordutegia ere ezohikoa izango da: 16:00etan. Besteak beste, 2016ko aurrekontuari hasierako onarpena ematea aztertuko dute Arizabalo jauregian bilduko diren zinegotziek. Horrez gain, udaleko eta Pasaiako Musikaleko, Udal Euskaltegiko eta Zaharren Egoitzako lanpostu eta plantilak ere. Ogasunari dagokionez, aurrekontuez gain, beste bi puntu ere jorratuko dituzte. Hirigintzan, Trintxerpeko bi eremuko arau subsidiarioetan aldaketak egingo dituzte, eta Donibaneko eraikin balioanitzaren 4. faseari onarpena ematea eztabaidatuko dute. Estekan sakatuta ikus daitezke puntu guztiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.