Def Con Dos, Odio eta La Basu izango dira V. Gaztañorock kontzertuan

Maritxuren jaitsierarekin hasiko dira festak eta lehenengo egunean Gaztañorock kontzertua izango da protagonista. Def Con Dos madrildarrek Odio oreretarrekin partekatuko dute oholtza

Ikerne Zarate Gartziarena

Errenteria-Orereta

2016/06/13

Haurrentzako ere egitarau zabala prestatu dute Gaztañon.

Asteburuan helduko dira Gaztañoko jaiak. Egitarau zabala prestatu dute haur, gazte eta helduei begira ostiralean hasi eta igandera arte. Asteburura ez da mugatuko ordea jai egitaraua, eta hilaren 23an, Errenteria-Oreretan sobera ezaguna den Sorginen Gaua ospatuko dute. Maritxuren jaitsierarekin hasiko dira festak eta lehenengo egunean Gaztañorock kontzertua izango da protagonista. Def Con Dos madrildarrek Odio oreretarrekin partekatuko dute oholtza, eta bertan izango dira La Basu eta DJ Ibai ere. Larunbatean herri krosak hartuko du auzoa, bosgarrenez, eta kronoeskalada ere antolatu dute. Afaria berriz, mozorro eta guzti helduko da aurten auzora eta mariatxiek girotuko dute ondorengoa. Aurten ere, beraz, hamaika ekitaldi eta aitzakiarik ez Gaztañora hurbiltzeko. Jai egitaraua Ostirala 17

16:00: Futbito 4 txapelketa.
17:30: Eriz Magoa.
19:00: Txupinazoa eta Maritxuren jaitsiera lokal berrian. Ondoren buruhandiak eta patata tortila lehiaketa.
20:00: Iratxo Iturria zabalduko dute sagardoa edateko.
20:00: Futbito 4 txapelketaren finala.
23:00: Gaztañorock Kontzertua. Odio, La Basu eta DJ Ibai, eta Def Con Dos.

Larunbata 18

10:30: Gaztañoko V. Herri Krosa. Ondoren IV Haur Krosa. Sariak banatu eta gero pintxo poteoa.
12:00: Txirrinda Kronoeskalada, plazatik Arramendiko kaxkoraino.
17:00: Haur Jolasak.
19:00: Elektrotxaranga, sindi tabernatik abiatuta, ondoren Landare tabernara eta handik auzora.
21:00: Herri mozorro afaria. Entsalada, bakailau tortila, saiheskia, gazta, intxaurrak, ogia, edaria eta tekila. Ondoren bingo musikala sari ugarirekin.
22:00: Kontzertua gaztetxean. Norzone, Vizio eta DJ aitor Garimbo.
00:00: Puro Relajo mariatxiak.
02:00: Helduentzako guatekea lokal berrian eta plazan DJ Bull. Goizaldera indarrak hartzeko, sorginen edabe magikoa.

Igandea 19

12:00: Toka eta bote txapelketa.
14:00: Auzoko gazte izandakoentzat bazkaria.
17:00: Apar festa eta ondoren uraren jaia. Bainujantzia eta ura botatzeko edozein tramankulu eramateko eskatu dute.
18:00: Erreka berbena taldea lokal berrian.
18:30: Gaztañotik mundura. Musika, dantza, janari eta edariak.

Osteguna 23, Sorginen Gaua

17:00: Haurrentzako herri kirolak Arramendiko zelaian. Arratsaldean zehar sardinak, txorizoa, saiheskia eta edatekoak txosnan.
Iluntzean ikuskizuna eta ondoren sua piztuko dute. Bideo emanaldia eta zezensuzkoa izango dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.